सार्वजनिक बांधकाम मंत्री शिवेंद्रराजे भोसले यांच्या मार्गदर्शनाखाली यशस्वी वाटचाल करत असलेल्या अजिंक्यतारा सहकारी साखर कारखान्याला देश पातळीवर साखर उद्योगाशी संलग्न असलेल्या भारतीय शुगर्स या नामांकित संस्थेचा सर्वोत्कृष्ट साखर कारखाना हा राष्ट्रीय पातळीवरील प्रथम क्रमांकाचा पुरस्कार मिळाला. कोल्हापूर येथे झालेल्या शानदार सोहळ्यात नॅशनल फेडरेशन आॅफ को-आॅपरेटिव्ह शुगर फॅक्टरीज, नवी दिल्लीचे अध्यक्ष हर्षवर्धन पाटील यांच्या हस्ते आणि भारतीय शुगरचे अध्यक्ष विक्रमसिंह शिंदे, मुख्य कार्यकारी अधिकारी संग्रामसिहं शिंदे, रणधिर शिंदे आदी मान्यवरांच्या उपस्थित कारखान्याला गौरवण्यात आले.
