साताऱ्यातील खंडोबा माळ ते मार्केट यार्ड परिसरात एक धक्कादायक घटना घडली आहे. दारूच्या नशेत असलेल्या एका रिक्षा चालकाला महिला पोलीस कॉन्स्टेबलने अडवण्याचा प्रयत्न केला असता, त्याने तिला रिक्षासोबत फरफटत नेले.
या प्रसंगात महिला पोलीस गंभीर जखमी होऊन रक्तबंबाळ झाली असून तिला तातडीने रुग्णालयात दाखल करण्यात आले आहे. दरम्यान, या रिक्षा चालकाने मार्गात तब्बल ६ ते ७ दुचाकी आणि चारचाकी वाहनांना धडक दिल्याची माहिती समोर आली आहे.
संतापलेल्या नागरिकांनी त्याला पकडून चोप दिल्यानंतर पोलिसांनी ताब्यात घेतले. संपूर्ण प्रकार सीसीटीव्हीमध्ये कैद झाला असून या घटनेमुळे साताऱ्यात मोठी खळबळ उडाली आहे.
