कास धरण पूर्ण क्षमतेने भरल्यानंतर सातारा विकास आघाडीचे नेते खासदार उदयनराजे भोसले यांच्या उपस्थितीत कास धरण येथे ओटी भरण्याचा कार्यक्रम पार पडला. यावेळी बोलताना उदयनराजे म्हणाले, ‘कास धरणालगत काही ठिकाणी छोटी बेटे आहेत, या बेटांजवळ बंधारे घालून तेथेही पाणी अडवता येते का? याची माहिती घेत आहोत.’ ते पुढे म्हणाले, ‘याशिवाय कास पठारावर काही साहसी जलक्रीडा प्रकार विकसित व्हावेत याबाबत प्रस्ताव सादर केला आहे. त्याबाबत पाठपुरावा सुरू आहे.’
